Marvel fan ruhkawl pahnih chuan an taksa-ah Marvel character chi hrang hrang 34 ve ve tattoo an chhukai a, Marvel comic book character tattoo ngah ber record an siam. Hetihrual hian an pahnih hian inhre ngai lo hmun hrang a cheng ve ve an ni a, Marvel tattoo 34 ve ve an lo nei a ni.
A pakhat zawk chu Rick Scolamiero a ni a, Canada a cheng niin, ani hian 2018 khan Marvel tattoo 31 neiin record a lo siam tawh a, hmanni lawk khan Ryan Logsdon, USA a cheng chuan Marvel tattoo 34 neiin, record thar a siam niin a inngai a, mahse, title an hlan hmain, engmah hre lawk bik lo Rick chuan tattoo pathum a neih belh thu a lo report ve leh ta, Marvel tattoo 34 chiah a nei ve leh tlat.
Marvel tattoo 34 ve ve an neih avangin Rick leh Ryan te chuan an pahnihin record an intawm ta a ni. Rick hian 2011-ah a ban veilamah Spider-Man tattoo neiin hei hi a Marvel tattoo hmasa ber a ni a, Ryan hi chuan 2009-ah Daredevil leh Bullseye te tattoo a nei ve thung.
Marvel tattoo ngah record siam
Get real time updates directly on you device, subscribe now.
Next Post