A kut zungtanga kg 140 chuang deadlift-in record siam

Chinese Liu Weiqiang, kum 29, hi a kutzungtang a chak ngang mai, a zungtang pakhat chauh hmangin 319.05 lbs (kg 144.72) a rit a deadlift thei a, Guinness World Record a siam.
Fitness influencer Liu hian Guinness World Records dang pawh a lo siam nual tawh a, tun tuma a record siamah hi chuan a kut veilam zunglai chauh hmangin kg 144 a rit ni a chawi kang nal nal thei a, kutzungtang pakhat chauh hmanga deadlift rit thei ber record a siam ta a ni. A hmaa hetiang record chu Egmond Molina (Aruba) siam niin, Egmond-a record hi kg 6 velin a rawn khum ta a ni.
Liu hian thir plate paruk chu dahkhawmin, chu chu fitness cable nen a thlun zawm a, chu chu a kutzungtang pakhat chauh hmangin a chawi kang ta a ni. A deadlift hma hian Guinness lam atangin endiktu ten a thil chawi kan tur rih zawng hi an endik hmasa vek a, a kut zungtang pawh an endik sak vek bawk a, record siam tur chuan second 10 tal a chawi kang ngei tur a ni bawk.
Liu hian 2023 khan record a siam nual a, chung zingah chuan 80 lb (kg 36 vel) a rit ak chunga minute khata pull-up tihnem thei ber record telin, vawi 25 a tihman a, 60lb (kg 27 vel) a rit ak chunga minute khata ring dip tihnem thei ber record siamin, vawi 36 a tihman a, 100 lb (kg 45 vel) a rit ak chunga minute khata ring dip tihnem thei ber record siamin vawi 20 a ti thei a, 240.7 lbs (kg 109 vel) a rit ak chunga pull-up tiin, mahni taksa rihna bak pull-up tihpui rit thei ber record a siam tawh bawk.