Las Vegas a cheng, sideshow artist anga thawk thin chuan a mit ko ruh chakna hmangin Guinness World Records a siam. A hming chu Andrew Stanton a ni a, Italian TV series Lo Sow Dei Records-ah inlanin, mit kotlang ruh hmanga thil hnuk rit thei ber record leh chem sei dawlh chunga mit pahnih ko ruh hmanga thil khai rit thei ber record a siam.
Anton hian a record hmasa atan a mit ko ruhah chuan thirkawm (metal hook) lian tha tak a vuah rûn mai a, chutah chuan hrui thlungin, chumi hmang chuan Cadillac car, a khalhtu chuang chungin a hnuk tawlh ta a ni. Car leh a driver rihna belhkhawm hi pound 5,319.75 (kg 2,412.9) a rit a ni a, TV show an neihna stage-ah a hnuk tawlh tlang parh a ni. A mitko ruh hmanga car a hnuh tawlh lai hian hrui chu a kutin a vuan thiang lo va, a taksa dangin hrui chu a tawk tur a ni lo hrim hrim.
A record pahnihna chu circus vela kan hmuh thin, chem sei tak tak an ke chhunga rawlh lutin, an hrawkah an hawlh lut thla zel a, chumi hnuah an phawi leh thin ang hian, Anton pawhin chem sei dawlh chungin a mitko ruha thirkawm a vuah hmang chuan a assistant pound 129.63 (kg 58.79) a rit a khai kang va va a, hetianga chem sei dawlh chunga mitko vun hmanga til rit khaia record siam hmasa ber a ni ta a ni.
A mit ruh hmangin record siam
Get real time updates directly on you device, subscribe now.