A ngaihzawng hlui hnena $235K pe turin court-in Soulja Boy hriattir

A ngaihzawng hlui hnena $235K pe turin court-in Soulja Boy hriattir
Soulja Boy chu a ngaihzawng hlui Kayla Myers vau beta kutthlak thubuaiah thiam loh chantir a ni a, Kayla hnena hian dollar 2,35,900 pe turin court-in a ti.
Soulja Boy, a hming tak DeAndre Way hian Kayla zangnadawm nan dollar 2,35,900 hi pe tura tih a ni a, chung zingah dollar 1,800 hi a rilru hriselna lama a inenkawlna senso niin, a dang zawng, dollar 2,34,100 chu a taksa leh rilru lam a tihrehawm man a ni ve thung.
Kayla Myers hian complaint a thehluhah chuan February 2019 khanSoulja Boy hian Malibu-a a chenna inah an party zawh hnuah a duh lo chung darkar ruk chhung a hreng lui niin a tarlang. Myers chuan chhuahsan a tum pawhin Soulja Boy assistant-in a dang tlat a, Soulja Boy hian a lu-ah silaiin a tin bakah kawng hrang hrangin a vau a, tum khat phei chu silai hian a chhu niin a sawi bawk.
Soulja Boy hi dan bawhchhiatna lamah a mikhual lo riau mai a, March 2019 pawh khan 2014-a phalna nei lova ralthuam kawl thubuai a neihah probation a bawhchhiat avangin an man a, chumi hnu lawkah ni 240 chhung jail tang tur leh darkar 265 chhung vantlang tana hna tha thawk turin a chungthu rel a ni zui ta bawk a ni.