A rualin car 20 a hnuk tawlh thei
A rualin car 20 a hnuk tawlh thei
Egyptian pachak, wrestler Ashraf ‘Kabonga’ Mahrous chuan Zirtawpni kalta khan Guinness World Records siam tumin tum khatah car 20 inthlunzawm a hnuk tawlh a, a thilh tawlh rih zawng hi tonne 29 (kg 29,000) a tling a, mahse, Guinness lamain official-in record a siam leh siam loh hi an la puang lo.
Kabonga chuan, “Engtianga rit nge ka hnuh tawlh theih maw? Lirthei 20 rihna belhkhawm kha tonne 29 a tling. Lirthei pakhat kha kg 1,200 leh kg 1,650 inkar a rit vek an ni. Pathianin mal min sawm a ni,” a ti.
Tunah Guinness World Record-in lirthei hnuk rit thei bera a puan lai chu 2014-a Canadian powerlifter Kevin Fast siam a ni a, ani hian lirthei 15 tum khatah a hnuk tawlh a, a lirthei hnuh tawlh rih zawng hi kg 900 vel a ni ve thung.