BTS member zinga South Korean military-a inziak lut hmasa ber leh sipai atanga chhuak leh hmasa ber Jin chu Ningani kalta khan 2024 BTS Festa-ah inlanin, a hla hrang hrang a perform bakah amah ngeiin ARMY te chibai bukin, fans 1,000 a kuah.
Seoul-a BTS kum 11 tlin champha lawmnaah hian Jin, kum 31, hian ama pualin Jamsil Arena-ah offline event a host a, hetah hian fans tam tak intlar te chu amah ngeiin a chibai bakah a khuah thuak thuak bawk. A hnu deuha a sipai tan laia TikTok lama lo viral tawh chu tive chhinin, a solo singles ‘The Astronaut’ leh ‘Super Tuna’ a perform a, mipui tan BTS ‘Moon’ a tlawh bawk.
2024 BTS Festa hi Jin-a’n thla 18 sipaiah tanga, a sipai nun zo a a chhuah leh atanga nikhatnaah neih a ni a, a bandmate RM, V, Jung Kook, SUGA, Jimin leh J-Hope te chu sipai-ah an la tang vek a, mahse, a thiante hi June ni 12 khan Jin sipai atanga chhuak tur thlahna hun an hman theih nan chawlh phalsak an ni.
2024 BTS Festa-ah hian Jin tih loh BTS member dang inlan an awm lo va, mahse, ARMY-te tan lehkhathawn an ziak theuh a, chu chu he event-ah hian tlangzarh a ni. Band member kima an chet chuah leh theih hun tur chu 2025-ah a ni ang.
A sipai tan hun tawp lawm nan Jin-a’n fans 1,000 a kuah
Get real time updates directly on you device, subscribe now.