Tunlaiah social networking te kan hmang rim ve ta hle a, chu chuan kan nunphung pawh a thlak nasa hle.
Facebookah chuan thiante pawh kan ‘add’-in kan ‘delete’ vel mai mai thei tawh a, chu chuan kan inngaihzawnna boruak leh inngaihzawn dan kalphung pawh a her danglam hle a, a bikin hmeichhiain an tuar nasa niin an sawi.
Heng social networking site hrang hrang te hian mipa te a tilerh a, ngaihzawng kawp an chin phah niin an sawi tlat mai.Heng spcial networking site vel atang hian ‘a tha nghahna’ tur an zawng kual thin niin an sawi.
-- Advertisement --
Mipa thenkhat chuan eng emaw thut a han kawp mai theih tur, ‘standby girl’ neih an ching riau. A ruala ngaihzawng pathum han kawp mai thiam te pawh an awm, a hmeichhe lam lah chu an inhre miah lo lehnghal ang a!
Chutiang mipa chuan serious deuha ngaihzawng neih an peh lova, chutih rualin hmeichhe kawm reawh nuam an ti tlat si. Tichuan, a tuamah thlah chuang si lovain a bepawp reng ang.
A thlah mai duh si loh, remchanga han kawp leh zuai thin atana a duh, serious pui a duh si loh chu i lo ni reng em? Chutiang chu i ni tih engtin nge i hriat theih ang.
Hetianga an ‘standby gril’ te hi e-mail, facebook, texting, leh social networking dang atangin an be pawp ve reng a,hmaichhana inkawm erawh a khat khawp ang.
Chutiang ‘standby girl’ i ni tih inhrechhuak ta la, engtin nge i tih ang? ‘Standby’ nih chu i pawi tih leh tih loh inngaihtuah la, pawi i ti chuang lo a, engemaw zawng taka hlawkna nei ve dawn tlata i inhriat chuan, in inkar tih tawp emaw chhunzawm zel emaw chu nangma thu thu a ni e.