Kartin sangha vawi thum vawi li vel hmeh thin te chuan sangha ei ve ngai lo emaw chutiang zat ei ve lo te aiin thkuaka thisenzam chat/block (stroke) neih theihna risk an nei hniam zawk niin mithiam ten an sawi.
-- Advertisement --
sangha-ah hian oemga-3 fatty acids a awm a, hei hian BP leh cholesterol a control theih vangin stroke risk pawh a tihniam niin Karolinska Istitute, Sweden-a mithiam Susanna Larsson leh Nicola Orsini te chuan an sawi.
Zirchianna hrang hrang 15- United States, Europe, Japan leh China-ah te neih a ni a, volunteer te chu sangha an ei tam dan chhinchhiahin, kum 4 atanga kum 30 chhung an chhui zui a, tute nge stroke nei tih an en leh ta a ni.
Harvard School of Public Health-a epidemiologist Darius Mozaffarian chuan, “Sangha hian nutrient tha tak tak a pai a, a bikin oemga-3 ang chi te. hei hian stroke risk hi a tihniam ngei tih kan chiang a ni. Evidence hrang hrang atanga a lan danin kar khata sangha vawi 3-4 vel hmeh hi a tha tawk khawp mai,” a ti a, “Sangha-ah hian vitamin D, Selenium leh protein thenkhat stroke leh a kaihhnawih risk tihniamtu tha tak tak a awm a ni,” a ti bawk.
Hetianga thutlukna siam tur hian mi 4,00,000 dawn, kum 30 atanga 103 inkar te zirchian an ni a, chung zinga 9,400 chuan stroke an nei a, kartin sangha regular taka vawi 3-4 vel ei te-ah chuan stroke neih theihna risk a hniam zawk tih hmuchhuakin an insawi a ni.
Mithiam te chuan sangha hi a kan aiin a chhum-a ei a tha zawk niin an sawi bawk a, sangha ei vangin stroke a neih ve theih loh tihna nilovin a risk a tihniam zawk mai chauh a ni, an ti bawk.
He zirchianna chungchang hi journal Stroke-ah tarlan a ni.