A thlawnin mi 24 lung an zai sak ta

Sri Ramachandra Medical Centre Chennai leh Mizoram Health department thawh dunna in a thlawnin mi 24 lung (heart) zai sak an ni tawh a. A batch thumna in Thawhlehni khan Chennai an pan leh.
Health minister Lalrinpuii hmalakna in National Health Mission kaltlanga kumin February-a Zoram Medical College-a Cardiac Camp buatsaih kalzelah lung lama harsatna nei, zai ngai mi engemawzat Chennai-a Sri Ramachandra Medical Center-ah a thlawna zai tura ruahman a ni. Batch hmasa ber hi kumin March khan kalin hlawhtling takin damlo 18 zai an ni a; batch 2-na hi August thlatir lam khan kalin mi 6 hlawhtling taka zai an ni bawk.
September 3 khan a batch 3-na tur hi damlo 9 (puitling 3 leh naupang 6) chuan Chenna hi an pan leh a ni.