India siam Light Combat Aircraft (LCA) Naval variant chu hlawhtling takin Indigenous Aircraft Carrier (IAC) INS Vikrant-ah a tum a. Tun hi fixed wing aircraft carrier INS Vikrant-a a tum vawikhatna a ni.
-- Advertisement --
“Hun chhinchhiahtlak thlengin Indian Navy hnauia Aatma Nirbhar Bharat kalpuina hnuaiah Naval pilot te chuan INS Vikrant ah LCA (Navy) hlawhtling takin a tumpui” tiin Navy Spokesperson Cdr. Vivek Madhwal chuan a sawi a. “India-in indigenous fighter aircraft siam thei tura theihna a neihzia pholanna a ni,” tiin a sawi bawk.
January 2020 khan Defence Research and Development Organisation (DRDO) hmalaknain INS Vikramaditya-ah Naval Light Combat Aircraft (LCA) hlawhtling taka tumtir a ni tawh a, he mi hnu hian ni nga chhungin tum 18 lai tumtir nawn leh zui a ni a. Mahse, Navy te chuan carrier hman tur atan chuan twin engine aircraft a ngai an tih avangin DRDO te chuan Twin Engine Deck-Based Fighter (TEDBF) an siam zui leh a ni.
INS Vikrant hi 42,8000 tonnes laia rit niin nikum September thla khan Navy kutah hlan a ni a, aviation trial hi neih chhunzawm zel tur a ni.
INS Vikrant hian General Electric engine pali a hamng a, INS Vikrant hian Mig-29Ks te a thleng dawn a, a hnuah erawh Beoing F/A-18 E/F Super Hornet leh Dassault Aviation Rafael te pawh a thleng dawn bawk.
TEDDBF hi DRDO hnuaia Aeronautical Development Agency (ADA) tena an siam mek niin Cabinet Committee on Security (CCS) te chuan remtihna an pek hnuah Navy ten kum 2031-32 ah an hmang hman tura ngaih a ni. TEDBF hian twin engine nei dawnin medium weight fighter niin a rih lam chu 26 tonnes a ni dawna a thla hi thleh theih tur a ni ang.