Rashtriya Swayamsevak Sangh thlawp pawl ten Assam state indigenous mipui Hindu sakhua vuantu sakhua danga inlette an Scheduled Tribe (ST) nihna hlihsak tura beihpui an thlak avangin Meghalaya-a inthlang mai turah BJP te chuan boruak siam that a nih theih nan hma an la nasa hle.
-- Advertisement --
February 5 khan Janajati Dharma Sanskriti Suraksha Mancha chuan, Hindu sakhua atanga sakhua danga an inleh avanga ST an nihna hlihsaka hna leh chhawmdawlna dawng thei lova an siam avangin, lungawilohna an lantir a.
Member te chuan February 12 ah ‘Chalo Dispur’ programme an huaihawt tur thu sawiin Central leh State sorkar te chu Article 342A of the Consitution chu siam tha tura an phut thu sawiin Dispur hi Guwahati-a power innghahna a ni.
Mancha te demand hian Meghalaya leh Nagaland BJP te chu hlauthawnga siamin heng state pahnihah te hian February 27-ah Assembly inthlanna neih tur a ni.
Meghalaya capital Shillong-ah chuan BJP te chuan anti-Christian an nih loh thu puangin, “Opposition party te hian inthlan dawn apiangin min beihna tur an hriat loh apiangin sakhuana lamah min bei ziah a. BJP te hian Kohhran a haw lo va, anti-India te zawk a hua” tiin BJP national general secretary Rituraj Sinha chuan a sawi.
BJP te chuan an slogan sabka saath sabka vikas (collective efforts for inclusive growth) chu an kalpui mai tia sawiin community thleibik an nei lo a ti bawk a. Hei bakah hian Central scheme Kohhran leh Christian pawl te sum lama puihna awm te sawi lanna a nei bawk.
Trinamool Congress (TMC) te chuan BJP tena minority an ngaihsak tih te chu dawt mai mai tiin an sawi bawk.
“BJP te hian ram puma Hindutva agenda kalpui nih theih nan minority te lakah hriam takin chet an la a ni. Constitution values leh ethos te an kalpui duh lo va, Assam-a minority te laka an chet dan hi an hlauhthawn phah a ni,” tiin party’s State vice-president George B. Lyngdoh chuan a sawi.
Meghalaya mipuite chu inthenhranna agenda nei party te chu hnawl turin a ti bawk.
Assam-ah chuan RSS thlawp Mancha te chuan an demand te chu a hmasa berah Kartik Praon, Congress MP-in Bihar inthen hran hma kum 1960 chhova a sawi hmasak ber niin ST sakhua danga inlet te chuan reservation benefit tam ber an hui a ti a ni an ti a. Hei vang hian kum 1968 khan joint parliamentary committee din a ni nghe nghe an ti bawk a.
“Foreign religion heng Christianity leh Islam pawmtute hian reservation benefit tam ber an la a. School-ah pawh an fate chu chhawmdawlna lain an daha chutih rual chuan scholarship, hna leh promotion ST te tana dah chu an la tel tho” tiin Binud Kumbang, Mancha co-convenor chuan a sawi a.
“Hei mai bakah hian democratic exercise ah inthlanah te chuhin minister, MP, MLA te leh autonomous body member te an ni a. Tribal te rights chhuhsakin chet an la a ni,” tiin a sawi bawk.