A vawi khat nan Meitei, Kuki leh Naga hruaitute inbe dawn

A vawi khat nan Meitei, Kuki leh Naga hruaitute inbe dawn
Nikum May ni 3 atanga Manipur a chi leh chi buaina chhuah hnuah boruak la dai hlei thei lo mah se, october ni 15, vawiin hian Meitei leh Kuki MLA leh an hruaitu aiawhte chu Naga MLA te nen New Delhi ah an inbe dawn.
He inbiakna hi Ministry of Home Affairs huaihawt niin, engemaw thil thleng palh thei thulhah a hmun atan New Delhi hi an ruat a ni.
He inbiaknaah hian Manipur state chhunga chi leh chi buaina chungchang chu an sawiho langsar tur tak pakhat a ni a, remna leh muanna a awm theih nana hmalak dan an zawng bawk ang.
Report a lan danin Meitei lam hi an MLA leh minister tel tur zingah Thongam Biswajit, speaker Thokchom Satyabrata, Thounaojam Basantakumar, Khongbantabam Ibomcha, Dr. Sapam Ranjan, Thokchom Radhe-shyam leh Tongbram Robindro te hming a lang a.
Kuki lamah hian Letpao Haokip, Paolienlal Haokip, Haokholet Kipgen leh an hnam hruaitu liante hming a lang bawk. Naga lam atanga tel turte hi MLA leh minister zing atangin Awangbow Newmai, L Dikho leh Ram Muivah te nia sawi a ni bawk.