AAP-in MP duhsakna hlan

AAP Mizoram chuan Lok Sabha inthlan result puana ZPM candidate, mipui thlantlin Pu Richard Vanlalhmangaiha an lawmpui a, a kal leh zelna turah duhsakna sang ber an hlan tih an sawi.
‘Mizoramah hneh takin ZPM chuan lalna a chang mek zel a. Mizo mipui pawhin an chungah rinna kan nghat nasa hle. Chuvangin dik leh tha taka rorel tur pawhin kan duh a. Hetih mek lai hian, an insawi ang lo deuh leh an intiam ang lo deuha bul an tan erawh pawi kan ti a, insiamtha thuai turin kan ngen a ni,’ AAP Mizoram thuchhuah chuan a ti a. Mizoram mipui an tiam ang ngeia rorel zel turin an duh tih a sawi.