Acid hmangin tleirawl pakhat bei

London thlang lam school pakhatah tleirawl kum 14 mi chu acid hmanga beih niin, a hmaiah acid tuia leih a ni a, hmanhmawh taka enkawlna pek nghal a ni.
He thiltute hi kumtlinglo vek nia sawi a ni a, he tleirawl hi a school bang lo changin, an school hungchhung a pelh hnuah hetiang thil hi an ti ta mai nia sawi a ni.
Metropolitan police te chuan, rang taka hnuchhui hna an thawh nghal thu sawiin, thil tisualtu nia puhte pawh man kim an nih tawh thu an sawi a, an chungah dan anga hremna pek ngei an nih tur thu an sawi.
He tleirawl beitute hi mipa kum 16 bawr vel leh a thurualpuite nia sawi a ni a, police te chuan an hmanraw hman chu acid a ni ngei tih sawiin, henu bei tur ngawr ngawr ni ngeia che an nih thu an sawi bawk.