Actor Cody Longo a thi
Days of Our Lives leh Hollywood Heights star Cody Longo, kum 34, cu Austin, Texas-a a chenna inah thi a hmuh a ni a, a thih chhan hi puan a la ni lo. Cody hian a nupui Stephanie leh a fate pathum- Lyla, kum7, Elijah, kum 5, leh Noah, thla 18, te a kalsan.
Cody hi Days of Our Lives-ah khan Nicholas Alamain lemah a chang a, Nickelodeon drama Hollywood Heights bakah ABC series Make It of Break It-ah te pawh a inlan a, movie lamah Balls Don’t Lie leh ‘Fame’ ah te pawh a chang a, a tunah hian David Moreton-a film siam ‘Do You Want to Die in Indio?-ah a chang lek mek a ni. Cody hi rimawi khawvelah pawh a stage name Cody Anthony angin a a inhmang viau bawk a ni.
Cody hia che buai ve thei riau a, dan leh thupek kengkawhtu te nena inhnim hnaih deuh viau chang pawh a nei zeuh zeuh tawh a, 2013 khan rui chunga lirthei khalh avangin Los Angeles-ah an man a, January 2020 khan hmeichhe naupang kum 9 mi zahmawh rawngkaia khawiha rinhlelh thuah man a ni a, mahse, he thubuai hi tihtawp a ni a, November 2020-ah a nupui kutthlak a rinhlelh a nih avangin man a ni leh a, a hnu lawkah a nupui Stephanie-i’n inthen dilna court-ah a theh lut a, mahse, 2022-ah case an titawp leh ta bawk a ni.