South African rapper AKA, a hming tak Kiernan Forbes, kum 35, chu Durban, South Africa-ah February ni 10 khan kahhlum a ni. Police ten an sawi danin AKA hi silai keng mipahnihin kal chilhin, hnai set sawt atangin an kah rawn a, silai pawh vawi eng emaw zat a puak. AKA leh mi dang, AKA thian hnai tak ni a sawi Tebello Motsoan pawh a hmunah hian ka pawh chhawn lovin an thi nghal a ni. He inkahna thleng hi police ten an chhui zui nghal a, man erawh an la nei lo.
-- Advertisement --
Forbes chhungkua chuan thuchhuah siamin, “Thinlung kehsawm chungin kan hmangaih, kan fapain min kalsan thu hi kan puan a ngai ta si,” an ti a, “Kan tan chuan Kiernan Jarryd Forbes hi kan fapa, unaupa, kan tupa leh thian a ni a, a fanu duhtak Kairo tan pa a ni bawk. Mi tam zwk chuan AKA, SUPAMEGA, BHOVA leh hming dang dangin inhria pawh a ni ang. Kan fapa hi kan hmangaih a, ani pawhin min hmangaih a ni,” an ti.