Adele leh a pasal hual a rukin an innei em ni?

English singer lar kum 35-a upa Adele Laurie Blue Adkins leh a pasal hual Rich Paul te chu a ruka an inneih ring an tam hle.
Adele hian Las Vegas-a concert a neihna ah a pasal hual Paul chu a pasal angin a lo sawi tawh a. Concert a neihna a fans zinga hmeichhe pakhat chuan Adele chu innei puiah a sawm a, Adele hian hmeichhe pangngai a nih thu hrilh a a lo hnar bakah a pasalin he a concert hi a tawiawm thu a lo hrilh bawk.
He a chhanna avang hian Adele leh Rich Paul te hi langsar lo taka an inneih ring an tam phah hle a, interview a neihnaah pawh Rich nen fa neih dun hial an ruahman thu a sawi a. Paul chu mi ropui tak leh smart tak a nih thu a sawi bawk.