Adhoc grant in aid-a hlankai phuttu Thingsulthliah Higher Secondary School zirlaite chuan Nilaini zing khan Thingsul atangi Zemabawk Aizawl thleng kea kalin, an thil phutna lehkha hi chief minister hnenah an pe dawn.
Thingsulthliah HSS zirlai 100 chuang chuan Nilaini zing khan an khua chhuahsanin, ke in Aizawl an pan a; kawng lakah tunthuan eiin, chhun thingpui an in bawk. Khua in a bumro na karah tlai dar 4.20 vel khan Zemabawka ‘Tawngtaina Hmun’ an thleng a ni.
Kea kal hi a tirah zirlai 111 nia chhinchhiah an ni a, zirtirtu bakah tawiawmtu an nu leh pa, Thingsulthliah Students’ Union leh midang nen mi 136 an ni. An tawpna hmun tur an thlen hian an pun belh hret a, zirlai 150 an chuang tawh nia thu dawn a ni.
Zirlai nawlpui hi chu an tawpna hmun tura ruat lawk an thlen hian lirtheiin an khaw lam an pan leh a, chief minister leh Education minister hmuh tumin an aiawh erawh Aizawlah an cham rih dawn tih sawi a ni.
Kum 2008-a lumpsum aided-a dah higher secondary school-te intelkhawmna MIGLAHSSA-a tel ho chuan Nilaini vek khan adhoc status phutna an lantir a. Phullen, Sakawrdai, Zawlnuam, NE Khawdungsei HSS chuan mahni khuaah theuh kawng an zawh a; E. Lungdar HSS chuan banner kenga an thil phut lantirin, West Phaileng HSS chuan No Teaching Day an hmang a ni.
Adhoc phuttuten an lehkha nen ke in Aizawl an thleng
Get real time updates directly on you device, subscribe now.
Prev Post
Next Post