Afghan hmeichhiate ring taka tawngtai phal a ni lo

Afghan hmeichhiate ring taka tawngtai phal a ni lo
Afghanistan a roreltu Taliban te chuan dan thar siam lehin, Afghan hmeichhiate chu ring taka an tawngtai an phalsak lo a, an lehkhabu thianghlim Quran an chhiar an phal lo bawk.
An dan siam thar bera tarlan a nih dan chuan hmeichhiate hi pawn lama an chhuahin an hmai pholan an phal lo a, an aw an chhuah thiang lo bawk. Zirna lamah pawh pawl ruk thleng bak zir phalsak an ni lo a, vantlang hmun tam takah hna an thawh ve a theih loh bawk a ni.
Afghanistan-ah hian media te chu thil nung thlalak reng reng an chhuah khapsak an ni tawh a, hei hi sawisel hlawh tak a ni zui bawk.
Taliban in kum 2021 atanga Afghanistan rorelna fawng an chelh leh atang khan dan khirhkhiap tak tak an siam leh nual tawh a, tuna an dan siam pawh hi khawvel ram hrang hrang chuan an duh lo thu an sawi nasa hlawm hle.