Afghanistan-ah tuilian vangin mi 66-in nunna chân

uilian avanga farm leh khua te leh ram zau tak a chim avanga harsatna nasa tak a thlen hnuah tuilian thar leh avangin northern Afghanistan-ah nunna chan 66 an awm belh leh tawh.
Tun thla chhungin tuilian nasa avangin mi za telin nunna an chan tawh a, Afghanistan mipui 80% te innghahna agricultural land zau tak a tichhe tawh bawk a.
Tuna tuilian thar ber hian Faryab province nuai berin district hrang hrang tibuaiin mihring nunna chan bakah sum leh pai channa a nasa hle a ni tiin Asmatullah Muradi, Faryab governor thupuangtu chuan a sawi a.
“Tuilian avang hian nunna chan 66 an awm tawh” tia sawi bawkin mi panga in hliam tuarin midang chinhriatloha awm an awm a ti bawk.
Tuilian hian chenna in 1,500 chuang a tichhe tawh a, agricultural land 1,000 acre chuang a chim chhe tawh bawk a, ran vulh tam tak a tihlum tawh bawk, tiin a sawi.
Inrinni kalta khan western province Ghor ah tuilian nasa tak thleng bawkin mi 50 in nunna an chan phah tawh bawk a.
Kar khat kalta khan nothern Baglan province a tuilian thut avangin mi 300 chuangin nunna an chan phah tiin UN World Food Programme chuan a tarlang.
Taliban official te chuan nunna chan an la pun tur thu sawiin tuilian chuan infrastructure te ti chhiain tanpuina pekna lamah harsatna nasa tak siamin an chin hriat loha bote zawnna lam pawh a tikhaihlak tiin an sawi.