AGRICULTURE EDUCATION DAY 2025 PUALIN – TUNLAI MILA AGRICULTURE BUAIPUI A HUN TA

Dr. Lallawmzuali Ralte,
Dr. Lalhumlian Tochhawng
Dr. Nancy Laldinpuii
College of veterinary Sciences & A.H., Central Agricultural University,
Selesih, Aizawl, Mizoram.

Agriculture Education Day hi Indian Council of Agriculture Research (ICAR), New Delhi te bul tan niin, kum tin 3rd December hian hman thin a ni a. Kum 2016 atan khan hman tan niin, tun kum hi a vawi 9-na a lo ni ta reng mai. He Agriculture Education Day hi Union Minister of Agriculture hmasa ber leh India President lo ni tawh Dr. Rajendra Prasad a pian ni champha 3rd December hriatreng nan kum tin hman thin a lo ni ta ni.
Agriculture Education Day-in a tum bulpui ber chu thangthar- zirlaite hnena agriculture hnathawh leh kan ei leh bar, sum dehchhuahna hnar pawimawh em em chu agriculture a ni tih inzirtirna hi a ni. Kum tinin ICAR hian Agriculture Education Day ah hian a ram pum huap thupui thlan bik neiin Essay Writing Competition te, Art Competition te, Exhibition te leh a dangte a buatsaih thin a, tin Schoolah te kalin school naupangte nen he ni pawimawh tak mai an hman thin a ni.
Awle “Agriculture” tih thumal kan hriat phata kan suangtuahnaa lo lang chu lo neituin lei a let emaw loah loneitu feh in thlaite a thar ngei ang. Amaherawhchu Agriculture kan tih hian a huam zau em em a, chungte chu lo sawi ta ila:
lThlai chin leh thar chhuah
lRan vulh a ei zawn – hei hi a sa hralh chhuah lam
lSangha dil zau tak neih
lThing leh mau hmun zau tak siam
lThei leh pangpar huan siam
lBawng vulh a bawnghnute tam tak thar chhuah
lAr Farm lian tak neih a artui tam tak thar chhuah
Tunlai thiamna hmanga khing thlai, thei leh sa leh bawnghnute atanga siam chhuah te (Food processing) a huam thei vek a ni.
Tunlaiah chuan hmanlai kan pi leh pu te thiamna chhawm paha tunlai thiamna lo sang chho zel belhbawma hna thawh hi a hlawk zawkin a chhawrnaawm zawk a ni.
Agriculture pawimawhna te:
Agriculture pawimawhna em em chu kan ram- a bikin Mizoram sum leh pai dinhmun (Economy) hi Agriculture kan tih hian a nghawngin hmun a luah nasa em em a ni. Agriculture pawimawh te chu:
Mi nawlpui tan ei leh bar zawnna ber a la ni tlat
Industry kan tih tam takte entirnan, ei leh in sawngbawlna, la deh te, lei tha siamchhuah leh a dangte a nghawng.
India ram pum huapin ei leh bar hnianghnar neihna atan min puitu lian ber a ni.
Kan ram India-in kan thil tharchuah kan ei sen loh leh hman sen loh te ram dang a bikin sap ram (Foreign) lama thawnchhuah theihna hun remchang min siam a, chu chuan kan kan sum leh pai dinhmun a chawikang thei a ni.
Agriculture kaltlanga thangtharte tana hnathawh tur/eizawna awm thei te:
Organic Farming/Natural Farming: Khawvel thang chho zel ah hian a cheng mihringte kan lo hrisel nan leh kan lo dam rei nan hlo tur tel lo thlai leh sa kan ei a, kan in hi a tulin a pawimawh tawh em em a heng Organic farming/natural farming hmang a tharchuahte hi an hriselin a man pawh a to bik a ni.
Agricultural Technology (AgriTech): Khawvel changkannain a ken tel thiamna lo sang chho zelah heng hmanraw hrang hrang – Drones, sensors, AI-based crop management leh a dangte lo hman tangkai ve zel te hian kan lo neih leh ran vulh, sangha khawi te chenin min pui thei in awlsam zawkna min thlen thei a ni.
Food Processing Industries:
Agriculture atanga kan thlai, sangha, sa leh artui, bawnghnute kan tharchhuahte hi a nihna ngau ngau chuan thil chhe awlsam, hman vat loh chuan tawih thei, uih thei te an ni a, sawngbawl that leh (Food processing) chuan tha zawk leh rei zawk kan dahtha in kan vawng thei dawn a, chu chu a hlu em em a ni. Heng food processing industry din te hi thangtharte tan hna min siam dawn a ni.
Thawnchhuah lam (Export Opportunities):
Spices kan tih mai heng hmarcha, sawhthing, purun var leh sente, thingpui, coffee, thei leh thlai thar te pawh hi ram dangin an mamawh em em, uluk tak a