Aibawkah a thlawnin inentirna

Aibawkah a thlawnin inentirna
India ram puma hman mek Swasth Nari, Sashakt Parivar Abhiyaan – Health Camp runpui chu Thawhlehni khan Zoram Medical College & Hospital, Falkawn hnuaia Department of Community Medicine leh Model Rural Health Research Unit Aibawk tangdun buatsaihin Aibawkah hman a ni.
Health camp-ah hian Family Adoption Programme hnuaia ZMC-a MBBS zirlaiten Aibawk khuaa an chhungkua adopt leh enkawlte an hruaikhawm a ni. MRHRU Aibawk hnuaia chhungkaw thlanbik pawh test hrang hrang tih sak an ni bawk.
Inentira kal zawng zawng tan BP, rih zawng leh san zawng ensak an nih bakah zunthlum leh thisen test sak an ni a. TB screening neiin, x-ray ngaite tan chuap x-ray sak an ni a, damdawi a thlawn veka sem a ni.
Health camp hi Aibawk PHC-a doctor leh staff dang pawhin an lo tawiawm a. Damlo inentir zawng zawng hi 240 niin, ZMC&H doctor engemawzat an kal a ni.