AICS atangin hlawhtling vek

Senate of Serampore College (University) hnuaia Examination Result 2023 tihchhuahah Academy of Integrated Christian Studies atanga kumina Bachelor of Divinity (BD) leh Master of Theology (MTh) zirzo te an pass kim vek.
Asia Theological Association hnuaia Master of Divinity (MDiv) result chhuak ve bawkin, kumina MDiv zirchhuakte pawh an pass vek tih sawi a ni.
AICS hnuaiah hian kumina exam-ah BD zirchhuak mi 19 awmin, mi 4 A- ah, 14 B+ leh pakhat B ah an pass. MTh New Testament zirchhuak mi 5 ah 3 chu A- ah, B+ leh B ah pakhat ve ve an pass a; MDiv zir chhuak mi 5 awmin A ah pakhat, A- ah pahnih leh B+ ah pahnih an ni.
Missionary training (Diploma in Mission Studies) zo mi 4 pawhin an training tha taka zoin ‘A’ pakhat leh ‘A-‘ ah pathumin an pass a ni.