AIFF secretary general an ban

Nilaini khan All India Football Federation (AIFF) chuan an sec-retary general Shaji Prabhakaran a ban tih federation chhunga offi-cial lawk pakhatin a sawichhuak.
AIFF president Kalyan Chaubey hming-in Thawhlehni khan Pra-bhakaran hnenah hian banna lehkha pek a ni a; nikum Septem-ber ni 3-a Indian foot-ball chhungkuaa chan-vo pawimawh chelh tura appointment pek hian rei a awh zo ta lo a ni.
He thu sawi-chhuaktu AIFF vice-president NA Haris chuan PTI hnenah Prabhakaran laka AIFF president-in banna a ziah chungchang hi hrilhin, deputy secretary general Satyanarayan M chuan acting secretary general hna a chelh rih tur thu a tarlang tel.
Haris-a sawi zel danin, hetia an inban chhan hi a ruaituin a mi rawih a rin tawk tawh loh vang niin a sawi a, Chaubey leh Prabha-karan inkar a nih thu leh AIFF executive commi-ttee member-te ngei ngei pawh an petchhuah tak secretary general hna thawh dana an lungawi loh thu a tarlang tel.
Kum 2022 Septem-ber ni 2-ah AIFF an inthlang thar a, president tharin secretary general atana Prabhakaran a rawtna chu executive Committee meeting hmasaberah tarlan a ni a; Football Delhi president a nihna a han kalsan te te a, September ni 6-ah AIFF secretary general hna a chelh ta a ni.
Ningani atan exe-cutive committee koh a ni a, member-te chuan he thil thleng hi thildang ngaihtuah chunga sawi pawh an inbeisei a, mahse, Haris chuan an secretary general ban tura president thutlukna lo siam tawh chu AIFF executive committee-in a pawmpui emaw a nemngheh emaw kher a ngaih loh thu sawiin:
“He post hi hlawh nei post (paid post) a ni a, appointment siamtu hi executive committee pawh a ni lo a, hna pea ban leh theitu chu president a nih miau avangin kan president hian a hna atanga banna lehkha a tichhuak ta a ni.”