Airfield hmun hlui hman tangkai theih dan thlirho

Airfield hmun hlui hman
tangkai theih dan thlirho
Tourism leh Sports & Youth Services minister Lalnghinglova Hmar chuan Tuirial Airfield hmunhlui a tlawh a. S&YS Department, National Cadet Corps, Mizoram State Sports Council leh Tourism Department aiawhte nen tangkai zawka hman theih dan tur an thlirho.
Minister ho hian Tuirial Airfield-a Tourism fepartment hmun hlui ram tawh chu hman tangkai theih dan enho a ni a. Thalaite tana tangkai tak tur NCC academy dinna atan hman a nih theih leh theih loh thlirin, ruahmanna siam ngai an siam.
Tuirial Airfield hmun hlui hi NCC academy mai ni lo, NCC Air Wing tan thlawhtheihna khalh zirna (special flying training) atan hman theih a nih leh nih loh, tunlai khawvel mamawh drone technology zirna hmuna siam theih a nih leh nih loh enho nghal a ni a. Sports hmunhma atana hman tangkai theih chin a awm leh awm loh pawh thlir tel a ni bawk.
Tuirial Airfield hmun hlui hi tourism kaihhnawih event lian thlen theihna tura buatsaih theih dan pawh thlirho a ni.