Airport-ah thil keng fimkhur turin police-in mipui an chah

Airport-ah thil keng fimkhur
turin police-in mipui an chah
Tunlaiin Lengpui Airport atanga zin chhuak tur zingah phalna nei loa silaimu keng, airport-a man an awm fo a. Phai lama zin turte fimkhur turin Mizoram Police chuan thlawhnaa zin turte an ngen.
Mizoram Police thuchhuak chuan, sual vang pawh ni lo, fimkhur loh vanga silaimu emaw lo ak palh chu license nei lo an nih chuan dan (Arms Act) hnuaiah thubuai ziahluh (register) a ngaih phah thin a, hetiang avanga thubuai neih theihna laka kan him theihnan silai leh a mu (arms & ammunition) kawl reng rengin danin a phut angin, license an nei ngei tur a ni tuih a sawi.
Lengpui Airport atanga zin chhuak tur reng reng mahni in chhuahsan hmain bag, thawmhnaw leh thil dang ken tur uluk taka endik hmasa vek turin an ngen tih a sawi bakah midang bag emaw parcel emaw kensak dawn pawhin airport thlen hmaa uluk taka a chhunga awm endik hmasa thin turin an ngen a ni.