Airport tifaia police chhawr hriatpui lo

Lengpui Airport thawmthat hna thawhna senghawia tihfainaa police chhawr chu minister a nih angin a hriatpui loa, G20 Meeting thlenna tur inbuatsaihna a nih angin hemi buaipuitu lamte sawm ang chechhuak an ni tih Home minister Lalchamliana chuan a sawi.
Assembly Session-a zawhna chhangin Home minister hian, 5th IR mi ten Airport an tifai tih chu thu dik nia a hriat thu a sawi a. State sawrkarin a sawm pawh niloin, India sawrkarin Mizoram chu G20 Meeting hnuaia B20 meeting thlenna atan a ruat a. Kawng engkimah a tha thei ang sawrkarin a duh a, lanmawi ve kan duh bawk si avangin kawng hrang hrangin hma lak a ni tih a sawi.
Lengpui Airport chu tunhnaiah Salvation Army lamin an tifai a, thawktute pawhin an phak tawkin an tifai a, duhthu a la sam loh avangin tih fai hna thawkin an sipai 50 chu sawrkarin kaichhanah a la tih a sawi. Hei hi minister ang pawhin a ni pawhin a hriatpui chiah loa, G20 Meeting atana inbuatsaihna buaipuitu Committee-in an lo sawm a ni tih a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More