Aizawl khawpui faina leh bawlhhlawh sawngbawl chungchangah UD&PA department, Aizawl Municipal Corporation leh Aizawl Smart City Ltd. thawhho dan tur ngaihtuahin Thawhtanni khan Aizawl mayor Lalrinenga Sailo kaihhruaiin sawi ho a ni.
Aizawl khawpui a lo thianghlim zawk theihna’na hma lak ho dan tur – Aizawl khawlaia bawlhhlawh paih mai mai tih tawp dan tur, bawlhhlawh thliar dan tur tha zawk, bawlhhlawh tawih thei leh tawih thei lo khawn dan leh sawngbawl zel dan, in sakna leh thiahna hnawk paih dan tur, leivung paih dan mumal zawka kalpui zel dan leh thil tul dangte sawi ho a ni a. Kum khat chhungin Aizawl khawpui chu India ramah faina kawnga a lan phak ngei theih nan hma lak tum a ni.
Thutkhawmah hian Aizawl deputy mayor R Thanglura, UD&PA secretary Lalmalsawma Pachuau, Municipal commissioner Er Lalhriatpuia, UD&PA director Andrew H. Vanlaldika, Aizawl Smart City Ltd. CEO CC Lalchhuangkima leh henga official dangte an tel.
Aizawl bawlhhlawh buaipui dawn
Get real time updates directly on you device, subscribe now.
Next Post