Aizawl Book Fair nei mek
Lehkhabu tha leh chi hrang hrang pho chhuahna – Aizawl Book Fair vawi 12-na chu Thawhtanni khan Vanapa Hall-ah MLA Prof F Lalnunmawia’n a hawng.
MLA chuan social media chauh buaipui loa lehkhabu chhiar nasa lehzual turin thalaite a sawm a.
Thalai leh naupang zawkte tana lehkhabu tha tak tak chhawp a ni chu lawmawm a tih thu sawiin, naupan tet atanga lehkhabu chhiar uar lehzual tura inzirtir a pawimawh tih a sawi. Library hrang hranga mithiamte finna ziah lehkhabu mu thuap mai chu pawi a tih thu sawiin, lehkhabu tha tak takte chu mihring nunkawng khalhngiltu atan hmang thei turin mitin a sawm tih a sawi a ni.
Book Fair buatsaihtu Maggie L Ralte chuan Bookline Kolkata nen thawkdunin he Fair hi an buatsaih thin tih a sawi a. Thalaite hmahun thlir chung leh a tam thei ang berin lehkhabu an chhiar theihna’n he hun hi buatsaih thin a ni tih a sawi.
He Book Fair-a lehkhabu phochhuah hi 10% discount tur a ni a; school uniform ha leh college naupang student ID kengte hnenah 15% discount niin, May 20 thleng zing dar 9.00 atanga tlai dar 6.00 inkar hawn a ni.
Aizawl Book Fair nei mek
Get real time updates directly on you device, subscribe now.
Prev Post