Aizawl West Bypass road siam tur chungchanga ngaihtuah ngaite sawiin Thawhtanni khan chief minister Zoramthanga hoin a kaihhnawih sawrkar hotute an thukhawm.
Aizawl tlak lam, Sihhmui atanga Muallungthu panna kawng siam tumnaa hmalak ngai hrang hrang sawi ho a ni a. Kawng siam tur hi km. 44.8 vela thui a ni. He kawng siam turah hian sawrkar laipui chuan national highway a nih loh avangin ram compensation pek tur sum a ruahman tel lo a. PWD secretary hoin kawngin a tantlang tur ram neitute nen pawh inbiak mek a ni.
Thutkhawmah hian Revenue minister Lalruatkima bakah Finance commissioner leh Planning & Programme Implementation secretary, Public Works Department leh Land Revenue & Settlement Department hotute an tel.
Aizawl Bypass road siam tum sawiho
Get real time updates directly on you device, subscribe now.