Aizawl district-ah Manipur raltlan mi 4244 awm mek

Aizawl district-ah Manipur
raltlan mi 4244 awm mek
Manipur state buaina avanga sahimna zawnga Mizorama raltlan zingah tunah hian Aizawl district bikah 4244 awm mekin, relief camp, chhungte bel leh mi inluah a awmte an ni.
District Level Committee on Internally Displaced Persons from Manipur Aizawl District chu an chairman, bawrhsap Dr Lalhriatzuali Ralte hoin Zirtawpni khan an thukhawm a. Home department-in Manipur atanga raltlante thlairfelna tur ruahmanna a siam chu thlir hoa, kalpui dan tur rel a ni.
Thutkhawmah hian a kaihhnawih sawrkar department – H&FW, PHE leh PWD bakah village council leh Central YMA hnen atangin Aizawl district-a Manipur atanga raltlante dawnsawn kawnga hmalakna hrang hrang ngaihthlak a ni a. Chhawmdawlna kawnga mamawhte sawihoin, state sawrkara thlen tulte ruahman a ni.