Aizawl – Guwahati bus chesual

Aizawl – Guwahati inkara tlan Network Travels bus chu Shillong thlen hma Jowai-ah a chesual a, thi leh hliam na an awm lo thung.
Thudawn danin he bus hi Thawhtanni chawhnu khan Aizawl atangin Guwahati panin Network Travels bus a chhuak a, kawng lakah an tluang lo hle a, bus ke a chhiat hnu ah Vairengte thlen hma in a chhe leh a, tuna chesual ta hian Thawhlehni zingah rawn thlakin passenger te hi an insuan ta a ni.
Thawhlehni chawhma dar 10.30 vel khan Shillong thlen hma Jowai pannaah an hmaa truck tlan pelh tumnaah truck hian anmahni lam, kawng lai a rawn nek leh thut avangin kawngsir lam an dainaah tuiluankawrah hian an tlanlut ta nia sawi a ni.
Bus-ah hian mi 30 vel chuangin an zinga 17 vel hi Aizawl atanga Dibrugarh-a CUET exam pe tura Mizzoram atanga kal an ni a, an zing ami VL Rochampuii (20) chu hliam na deuh a ni a, ngaihtuah erawh a ni lo nia sawi a ni. Manipur buai avanga Delhi-a a fanu awmnaa kal tum nu pakhat chu a ban ruh a tliak bawk a, a ni hi Shillong-ah enkawl a ni.
Bus chetsual thu hriat veleh hian Jowai Mizo Welfare leh North East Adventist University-a thawk Mizote chuan a hmun an pan nghal a, hliam tuarte leh tul dangte an buaipui a ni.