Mizo photographer zinga thalaite hriat hlawh tak Reuben Lalmalsawma chuan street photography instagram reels a siam hrang hrang atanga thlalak leh comments a dah khawmna lehkhabu Aizawl Monsoon Moments chu lei theih in a awm ta.
The Aizawl Post zawhna chhangin Reuben-a chuan street photography chu mizoram tourism leh culture te chawisan a duh vanga la thin a nih thu a sawi a. Mizoram hmun hrang hrang thlalak nalh tak tak hmuh tur a awm laiin, a chhung a cheng mizote hmel hmang leh inchei dan hrang hrang hmuh tur a tlem hle tih sawiin, nakin zela kan la ngaihhlut tur leh documents pawimawh tak a nih a beisei avangin khawlaia mihring che tla lai vel thlalak hrang hrangte chu instagram reels a siam in, instagram leh youtube velah a post thin thu a sawi bawk.
Reuben-a chuan hetiang taka mizo thalai ten a reels siam an ngai hlu chu lawmawm a tih thu sawiin, Monsoon Season bika a thlalak hrang hrangte leh instagram a an comments hrang hrangte chu photo book a siamin lei theih turin a chhawp chhuak tih a sawi a. IG message a dawn atangin Tourist thenkhat a reels siam an hmuh avanga mizoram a rawn zin an awm nual tawh bakah mizoram rawn zin chak tam tak an awm tih a sawi bawk.
Reuben-a hian kum 2022 khan Mass. Communication Department, MZU atangin Ph.d degree a lo hmu tawh a. Music video tam tak siam tawh in chung zingah chuan Cassetts ho hla “Inkar” chu a duh ber thu a sawi a, kum 2021 khan Thazual Award semna ah Kimkima hla Hmangaihna Rimawi hmangin Best Music Video Lengzem huang ah a lo dawng tawh bawk a ni. Music video hrang hrang bakah advertisement leh cinematic wedding video a lo siam nual tawh a, sawrkar leh department hrang hrang ten video siam a inelna an buatsaih ah lawmman a la nual tawh bawk.
Aizawl Monsoon Moments photo book hi reuben_lalmalsawma (IG account) atangin booking a tih theih a ni.
Aizawl Monsoon Moments lehkhabu lei theihin a awm ta
Get real time updates directly on you device, subscribe now.
Prev Post