Aizawlah Half Marathon nei dawn
April 26 hian ‘Aizawl International Half Marathon 2025’ neih a ni dawn a. Rajiv Gandhi Stadium Mualpui atanga tlan chhuah tur a ni.
AIHM a tel tumte tan online registration hi https://aihm2025.com/ website ah tih theih niin, Millenium Centre kawtah offline registration kalpui mek a ni. Tunkar hian school leh college ah offline registration kalpui mek a ni bawk.
Thawhtanni khan Sports & Youth Services minister Lalnghinglova Hmar hoin ‘Aizawl International Half Marathon (AIHM)’ neih tur hi sawiho a ni a. Mizoram Sports & Youth Services Department leh Innovations India tangdun buatsaih niin, Athletics Federation of India pawmpui a ni a, kumdangah pawh neih chhunzawm zel tum a ni.
Mizo thalai bakah India ram chhung leh pawn hmundang atangin AIHM-a tel tur an thahnem dawn tih minister hian a sawi a. Kenyan runner panga bakah Services atangin mi engemawzat an rawn tel dawn tih a chiang tawh tih a sawi.
Half Marathon hi category pathum – km 21.1, km 10 leh km 5 awmin, a tawpna pawh RG Stadium ah a ni dawn. Registration hi mi pakhat tan Rs. 799 niin, hemi man hu eitur leh thildang dawn tur a awm dawn a. Lawmman hi cheng nuai 10 bawr a ni ang. Intlansiak piahlamah intihhlimna a awm dawn a, finishing point-ah cultural performance leh concert buatsaih a ni ang.
Aizawlah Half Marathon nei dawn
Get real time updates directly on you device, subscribe now.
Prev Post