Aizawlah ruihhlo do beihpui tan

Aizawlah ruihhlo do beihpui tan
YMA kumpuan “Ruihhlo Do” bawhzuiin Central YMA chuan February 20 atang khan Aizawl khawpui chhungah beihpui a thlak tan.
Central YMA kaihhruaia kumin January 23 zana a Aizawl khawpui chhunga YMA branch 111 kalkhawmin an rel angin, Aizawl-a branch hrang hrang chu zone 10-ah inthen a ni a. Zone tinah hian Anti- Drugs Squad (ZADS) din a ni a, puipate inruatin an huamchhunga branch tin atangin ZADS member tur pathum theuh inruat a ni. Zone tin hian duty post siamin February 20 atang khan ruihhlo do beihpui hi an tan a ni.
Zone hrang hrang duty post hi February 21&23 zan khan Central YMA hruaituten tlawh kualin bultana atan Rs. 10000 theuh an hlan a, ZADS hruaitute leh member-te an fuih bawk. Central YMA hian a tul angin zone tin mamawh leh harsatna a enpui zel dawn a ni.
Zone Anti- Drugs Squad hi Central YMA hnuaia Central Anti- Drugs Squad (CADS) nen inpuibawm tawnin an thawkho dawn a, Central YMA hruaitu ten an vil dawn a ni.