Aizawlah vote tla tha lo

Local council leh village council inthlanpuia vote thlak zawh takah Aizawl Municipal huamchhungah vote tla a tha lem loa, za zelah 63.87 a ni.
AMC huamchhung bikah hian mipa 110965 leh hmeichhia 130111, a vaiin vote 241076 a awm a; heng zinga voter 153986 hian thlakin, za zelah 63.87 a ni. AMC pawn lam, Aizawl district-ah chuan vote tla hi a chhe lutuk bik loa, vote nei 65076 atangin 49502-in vote thlak in, za zelah 76.07 a ni.
Aizawl Municipal Coorporation huamchhungah local council 87 zinga 86-ah inthlan a ni a, voter 241076 awm atang hian vote tla zawng zawng chu 152506 (63.26%) a ni a. Inthlan duty avanga vote lo thlak hmasak tawh nen belhkhawmin a vaiin local council 86 ah hian vote 153986 (63.87%) a tla a ni.
Candidate thi a awm avanga State Election Commission-in inthlan hun a sawn sak Lawipui Local Council bikah vawiin – February 14 hian vote thlak a ni ang.