Aizawlah Winter Festival
Mizoram Tourism department buatsaih Winter Festival 2024 chu Thawhtanni atang khan Aizawl Sipai Lammualah neih tan a ni a. December 21 thleng neih a ni ang.
Festival hawngtu Tourism minister Lalrinpuii chuan Winter Festival kaihhnawiha sawrkar department hrang hrang thawhhona fakawm a tih thu a sawi a. Department bakah khawtlang, mimal leh pawl hrang hrang tan hlawkna thlen thei tur tinzawna sawrkar hmalakna chu chhunzawm tlak hlea a hriat thu a sawi.
“Sawrkar chuan mipui zirtirna lam hawia kalpui uar zel a, hemi nena inhmeh tak Winter Festival buatsaih a ni hi tha ka ti a. Mizoram hi India ram state dangte nena khaikhin pawhin tourism sector-a theihna leh remchanna ngah ber pawl a nih hrerengin, sawrkar hmalakna thlawp zel turin mipui ka sawm a ni,” a ti.
Winter Festival 2024 hi Lammual bakah Reiek leh Hmuifangah neih a ni dawn a. Exhibition stall leh food stall thahnem tak an inchhawp a ni.
Aizawlah Winter Festival
Get real time updates directly on you device, subscribe now.
Prev Post