Akashvani G20 SDG Symposium

Akashvani Aizawl leh Pachhunga University College Economics department buatsaihin Nilaini khan national symposium, “Sustainable Development Goals: G-20 and Mizoram” tih thupui hmangin neih a ni.
AIR Aizawl director, Mizoram Cluster head DR Lalropuia chuan Akashvani-in G20 awareness campaign hmun thlan bik neia hun a hman thu sawiin, village level-ah nungcha leh ramngaw humhalh chungchang thupuia hmangin Ailawngah hun hman a ni a. District level leh programme dangte pawh buatsaih chhoh zel a ni dawn tih a sawi.
India ramin zalenna a sual lai leh Mizoram buai avanga mipuiin hun harsa an tawh laiin radio chu mipui thian leh innghahna, an inawmtleina ber a ni thin tih AIR Aizawl director hian sawiin, tunah pawh India-in G20 president chanvo a chelh hnuah G20 thil tum leh thupui mipui thinlunga tuh thar nana chhawpchhuahna hmanruaah radio a rawn hmang tih a sawi a ni.
He hunah hian Akashvani-a thawktute leh PUC Department of Economics zirtirtu leh zirlai an tel a. Paper presentation leh sawihona hmangin, chawhnu hunah cultural programme hman a ni.