Akon ‘Lonely’-in 1B view a kai ta

Akon hla hit ‘Lonely’ music video chuan YouTube-ah vawi tluklehdingawn en a hlawh ta a, a music video hetiang zat en hlawh thei pathumna a ni.
He music video hi 2005-a a tihchhuah kha niin, a video bul tan nan a concert tawpa fans standing ovation a dawng laiin a intan a, chutah mipui thawm rehin, Akon chu a mah chauhin stage-ah a ding ta a, a thian te sawmna hnarin a suangtuahna ramah a cheng a. A bialnu lema chang The Vampire Diaries actress Kat Graham chuan engmah sawi lovin a kalsan daih bawk. Tichuan khawlaiah a tei kual ta vel a ni.
‘Lonely’ hi Akon debut studio album ‘Trouble’ atanga a single pathumna a ni a, a lar vanglaiin Billboard Hot 100 chart-ah No.4 a kai a, chart-ah hian kar 20 chhung a lang zui ta a ni. Akon hla dang ‘Smack That (feat Eminem)’ leh David Guetta leh Ne-Yo te nena an thawh hona ‘Play Hard’ te pawhin YouTube-ah vawi tluklehdingawn 1.1 en an hlawh ve ve tawh bawk a ni.