Alex Goulding-a’n push up record chi hnih a siam

Alex Goulding-a’n push up record chi hnih a siam
Sap tlangval Alex Goulding hi fitness lama tui zet mai a ni a, push up tih dan chi hrang hrang a bei nasa a, a hmain push up tihdan chi hnihah record a lo siam tawh a, a record siam chu amah vekin a rawn khum leh ta a ni. Guinness World Record-ah pawh a mikhual tawh lo hle a, record paruk a siam tawh nghe nghe a ni.
Tun tuma a record siam chu minute khat chhung a ‘push up to plank’ tih hnem thei ber leh minute khat chhunga ‘180 push up’ tih hnem thei ber record a ni. Push up to plank hi chu push up leh planking inkawp a ni mai a, push up ti turin an bawk a, hnungzang ngil atin, an kut tithlep lovin an bawk a, chutah planking turin a dinglam kiu a tithlep a, a veilam kuiah a tithlep hle a, a kiu pahnih rinchhanin a bawk a, chumi hnuah a ban dinglam timarin, veilam a timar ve leh a ni. 180 push up hi exercise lak dan hahthlak tak mai niin, push up ti turin a bawk a, chutah a rawn kang chhuak leh chu bawk chungin boruakah in vawrh kangin 180 degree in boruaka a awm laiin a vir a (bawk chunga 180 degree-a a vir chuan a ke awmna lamah a lu a awm tawh ang), chutiang chuan a tinawn char char mai a ni.
A hmaah record a siamah chuan push up to plank hi minute khatah vawi 63 a tihman a, he record hi khum tumin a bei hmasa a, minute khatah vawi 66 tihmanin record a siam a, a dawrah 180 push up ti lehin, hetah hi chuan a record dinglai chu minute khatah vawi 16 a ni a, tun tumah hian minute khatah vawi 23 tihmanin record thar a siam leh ta a ni.