Alh chunga hnung zawnga inbin tam record siam

Alh chunga hnung zawnga inbin tam record siam
British pahuaisen kan ti dawn nge, a âthuai kan ti zawk dawn? Ryan Luney, kum 28, chuan kangmei laka hun eng emawti chhung mi veng thei thawmhnaw inbelin, a inhal a, a alh hluah hluah hnuah second 30 chhungin hnung zawngin vawi sarih a inbin thei a, Guinness World Records a siam.
Ryan chuan, “A vawt lutuk a ka khawng lo chauh zawk a ni. Kawr ka hak thuah deuh tun a, gel a intat chhuak vek a, chutah fridge-ah darkar 24 chuang kan dah leh a, mei alh sa laka ka invenna a ni, vawt tik tek tak a ni,” a ti.
Ryan hi a thuam famkim a inbel hnuah an hal alh ta zuai zuai a, chuti chung chuan a hnung zawngin a inbin ta zak zak a, second 30 chhungin vawi sarih a inbin hman a, a tizo chiah a, kang thelhna (fire extinguisher)-in an phuh nghal char char!
Ryan chuan, “Hetianga taksa pum alh chhuak vek chunga record hi chi hrang hrang a tam tawh a, ka tih ve theih pawh ka rin ngai loh kha a ni a, tunah he record hi ka siam ta mai si a, a dang pawh ka la tih leh theih ngei inrinna kan nei lian nghal khawp mai,” a ti.