ALIMCO-in pianphungarualbanlote mamawh en
Artificial Limbs Manufacturing Corporation of India (ALIMCO) chuan Aizawl South-II bialtu MLA Lalchhuanthanga ngen angin Nilaini atang khan a bial chhunga pianphunga rualbanlo leh kum 60 chunglamten an mamawh an pek theih dan an zirchiang.
ALIMCO hian sawrkarin a hriatpui, disability c ertificate nei pianphunga rualbanlote bakah kum 60 chin chunglamin kal leh chetvelna lama harsatna chhawktu chi hrang hrang, an mamawh ang enpuiin a thlawnin an pe thin. Nilaini hian Salem Vengah hetiang mi an awm leh awm loh hi zirin, item 45 – wheelchair, kawng dawmna, nghawng dawmna, kneebrace leh a dangte an mamawh dan tur assessment an la a ni.
Bialtu MLA chuan an bial chhunga lokal tura an ngenna ngaipawimawha ALIMCO-in hetiang hun an buatsaih sak chu a lawm hle tih a sawi a. Rualbanlo leh kum upa lamte harsatna sutkian hna chu Pathian duh zawng, missionary hna pawimawh a ni, tiin, “ALIMCO kaltlang hian kan bial chhung veng hrang hrangah kalpui zel kan tum ani,” a ti.