June 20-29, 2023 chhunga Lucknow khawpuia khelh mek Yonex Sunrise All India Sub Junior Under- 15 &17 Ran-king Badminton Tournament-ah H. Lalthazuala s/o H. Zohmangaiha (Chanmari West, Ralte Villa Badminton Club) chu U-17 boys singles-ah a champion!
Tata Trust hmalak-naa Pullela Gopichand Badminton Academy-a inzir mek |hazuala hian seeded no 6 ni chungin he tournament hi a hmachhawn a; first round atanga final match thlengin game hlauh miah lo leh straight set vekin a chak a ni.
Semi-final lamah Gnana Dattu T. T chu 21-11, 21-16-in a hneh a, final-ah Pranauv Ram N. chu awlsam tak, 21-16, 21-16-in a hneh zui leh ta a ni.
Malsawmhlua, s/o Albert Lalnunhlima (Serchhip, Ralte Villa BC) pawh a kawppui Mahendra Kalahasthi nen U-15 boy’s doubles-ah final an lut a, amaherawhchu, he tournament-a seeded no 1 Arjun Tanaji Birajdar leh Aryan Tanaji Birajdar inkawp lakah 17-21, 26-24, 20-22-in an tlawm. Tuntum final-a an ngam lohte hi a hma lawk tournament dang final-a an hneh tawhte an ni nghe nghe.
Hei bakah Lalramsanga s/o Lungmuanpuia (Durtlang, Ralte Villa BC) chuan U-17 boy’s doubles category-ah semi-final a lut a, final luh inchuh match pawi-mawhah vanduai zawkah an tang.
Mizoram Badminton Association chuan |hazuala, Mama leh Ramsangate a lawmpui takzet a, hlawhtlinna changa Mizoram leh India ram tihmingtha zel turin duhsakna sang ber a hlan tih an thuchhuah chuan a tarlang.
All India Sub Junior Ranking Badminton Tournament
Get real time updates directly on you device, subscribe now.
Next Post