Almonds thatna

Almonds thatna
Almond hi diabetes tan a that thu kan rawn tarlang tawh a, diabetes mai bakah almond hian thatna a ngah hle a, nuts kan tih ang chiah chuan nutrition pai hnem ber pawl a ni hial awm e.
Almond hian mawm a pai tam vangin mi a ti thau duh niin an sawi thin a, mahse, chutiang chu a ni lo, i ei tam over te a nih loh a, a tawk chauha i ei a nih chuan i thau phah hauh lovang a, i hrisel phah zawk dawn a ni. Almond hian calcium, potassium leh magnesium te pai hnem hle a, heng hi blood pressure control-tu tha tak niin osteoporosis te pawh a veng thei zawk a ni. Osteoporosis chu calcium leh Vitamin D tlakchham vangin ruh (bone)in a chakna a hloh a, a tliak hma bik a ni.
Almond-ah hian mawm chu a awm ngei a, mahse, mawm tha chi an ni. Antioxidant a nih bakah monounsaturated leh polyunsaturated fats te a pai a, hei hian low-density lipoprotein (LDL) a tihniam a, LDL chu cholesterol tha lo chi kan tih ang hi a ni. Almond hian vitamin E pawh a pai a, lung (heart) lam natna awm tur thenkhat a veng thei a, ageing process pawh a ti muang thei (kum kan chhiar ang ni lem lo hian kan taksa hi a upa ve telh telh a, chu chu ageing process an tih chu a ni). Vun leh sam tan pawh a tha hle a, folic acid te paiin hei hian kan taksaa homocystein level te pawh a tihniam thei bawk a ni.
Almond that lehna chu dried furits a nih vangin ei vel pawh a awlsam a, a tui em em bawk, chawhmehah a telh theih a, a hlang pawhin a ei theih. Almond hian protein a pai hnem vangin tham khat i ei chuan i riltam a chhâwk nghal thei.