AMC by election atan party pahnih inremna anga kal tum

AMC Ward No.VI by election neih turah MPCC leh MNF inremna angin khawng taka an kal tur tu MNF senior vice president Dr R Lalthangliana chuan a sawi.
Zirtawpnia MNF office-a inkhawmah Dr R Lalthangliana chuan AMC Ward VI corprator thlan turah MNF Nomination Committee bakah National Core Committee leh Political Affairs Committee nen uluk taka ngaihtuah a ni a. A tul a nih chuan thawhho pui neih tha an titlu a. Congress pawhin ngaihtuahna sengin candidate tur pawh an lo hual ru tawh a. Corporator boral ta, Pu John Zosangliana nupui Pi Lalrinfeli chu lusun mek a ni tih hriain, an ngaihtuahnaah a lo awm ve reng a. Pu John Zosangliana nupui fanauten mittui nen hun an hman laiin, Congress pawh an kar vang ni loin, Pathian remruatin lai leh laiah intawkin lungrual takin an thawkho thei ta tih a sawi.
MPCC leh ward chhunga Congress hruaitu zawng zawng chungah MNF Gen Hqrs hmingin lawmthu a sawi tih MNF hruaitu hian a sawi a. “He thawhlohnaah hian kan karah tuten emaw hem thlak an lo tum pawhin, kan thu tiamah nghet takin kan ding tlat dawn a; agreement angin khawng takin kan kal dawn a ni,” a ti.
Lok Sabha MP inthlan vote hmuh chu he lai ward-a tehfunga an hman chuan, Congress leh MNF common candidate chu chiang taka a tlin ngei a beisei tih MNF senior vice president hian a sawi bawk.