AMC corruption free kan din ang – MNF sr vice president

Aizawl Municipal Corporation inthlana an tling a nih chuan ‘corruption free sawrkar’ an din dawn niin MNF hruaitu Dr R Lalthangliana chuan a sawi.
Zirtawpnia an party office-a inkhawmah MNF senior vice president Dr R Lalthangliana chuan, inthlanah sawrkar lai chu chak turah an inngai ngawt thin a, sawrkar lai nih vang ngawtin Municipal inthlanah pawh an tlin phah dawn lo tih a sawi.
India ram khawpui tam taka ruling party ni loten Municipal-a hnehna an lo lak tawh thin tawh dan a sawi a. ​MNF chu sawrkar lai ni lo mah se, he inthlanah hian hnehna an chan ngei a ring tih a sawi. “Kan tling a nih chuan AMC corruption free sawrkar kan din ang,” a ti.
ZPM sawrkarin Lunglei khawpui hmasawnna tur Lunglei Municipal Council sum chu a zawnin, 2024-25 ah Rs. 9,23,120000 leh 2025-26 ah Rs. 9,46,80000, belhkhawmin Rs. 18, 69, 92,000 an la dawng lo a; LMC hian MNF sawrkar lai kum 2023-24 chhunga an hmuh Rs. 6,35,44,000 bak Finance Commission sum pek an la dawng lo tih sawiin, “Tun financial year tawpah sawrkar inthlahdah vangin SASCI sum cheng nuai 11152 a lapse bawk a, ZPM sawrkar financial management thiamlo tak hi AMC-ah thlantlin chi an ni lo,” a ti.