AMC inthlan home voting ti tan
Aizawl Municipal Corporation 2026 inthlanpui atan kum upa, damlo natna khirh bik nei polling station pan theilo leh pianphunga rualbanlo polling station pan theilo tana vote thlak theihna tura ruahman – ‘home voting’ chu Thawhtanni zing dar 7.00 atang khan kalpui tan a ni a. Tunkar Ningani thleng ruahman a ni.
Home voting ni hmasa berah hian bawrhsap pisa – District Election Officer’s Office Aizawl atangin vote thlakna tur EVM leh hmanraw dang chu Municipal Ward tin returning officer- ten general observer hriatpuina in Strong Room atangin an pechhuak a ni.
Home voting hi AMC Ward 19-ah kalpui vek a ni anga, ward tinah Home Voting Team pakhat theuh an awm. Home voting ti tura dilna lut hi 2769 a ni a, ni 4 chhunga vote thlak hi zawh hman tum a ni. Municipal Ward No.II ah dilna hi lut tam berin diltu 209 an awm a ni.
Hriat theih chinah vawiin home voting-a vote thlak upa ber chu Nghakliani (102) Dawrpui Veng, Ward No.IX ami a ni.