AMC Mayor’s Cup Inter Ward Football Tournament 2023 chu February ni 10, Zirtawpni khan Rajiv Gandhi Stadium, Salem Veng, Mualpuiah khelh tan a ni. February ni 11, Inrinniah khelh chhunzawm leh tur a ni a, inkhel vawithum a awm ang.
-- Advertisement --
AMC Ward inelnaah hian Ward 19 telin an tel kim vek a, Round 1 khelh zawh nghal niin a chak apiang te hian Round of 16 an lut nghal a ni. Quarterfinal atangin Man of the match thlan a ni ang a, lawmman siam a ni bawk dawn a ni. Inkhel hi LPS HD Channel-ah Live ni.
Inkhel hmasa ber Ward No XVII David Zohmangaiha Ward chuan an khingpui Ward No X Chuauzikpuii Ward chu 3-1 a hnehin Round of 16 an lut. Inkhel vawihnihnaah Ward No XVIII Masawmzuala Ralte Ward chuan 3-0 a Ward No XIX Baryl Vanneihsangi Ward hnehin Round of 16 an lut a. Inkhel hnuhnungberah Ward leh Ward No IV Laltlanzova Khiangte Ward chuan 3-0 in Ward No VIII Christina Roluahpuii hnehin Round of 16 an lut bawk.
Vawiin chawhma dar 10:00-ah inelna neih chhunzawm a ni ang a, AMC Ward No VII (Vanlalneia) vs Ward No XVI (R.Lalawmpui) te an intum ang a. Chhun dar 12:00-ah Ward No XV (Zodingpuii) vs Ward No I (Lalrinenga) te intum ve lehin, chawhnu dar 2:00 ah Ward No V (Rosiamngheta) vs Ward No XI (H. Zonunsanga) te an intum ve leh ang.