Tunhnai inthlana MNF party chet that loh na chu opposition party-te boruak tha lo leh chetchhiatna in a hliahkhuh a, an party an phur chho leh mek tih MNF vice president Vanlalzawma chuan a sawi.
Zirtawpnia Mizo Hnam Runa inkhawmah MNF vice president chuan an party hi Pathianin a hrereng a, a tanpui thin tia sawiin, “Tunhnai chhoa inthlana kan chet that tawk lohna chu, opposition party-te boruak thalo leh chetchhiatna ten a hliahkhuh leh thuai a. Chu chuan party mipui min tiphur thar leh a, sawrkar leh ngei turin kan bei a. Kan sawrkar leh ngei pawh a beiseiawm hle,” a ti.
Kolodyne Multi-Modal Transit Transport Project (KMMTTP) chu peihfel a ni thuai dawn a. A hlawhtlin hun chuan kan hawilam kan thlak deuh vek dawn tih Vanlalzawma hian a sawi. “Paletwa leh Sittwe ah lawng chawlhna peihfel a ni deuh vek tawh a. Bungrua tam zawk chhimlam atangin man man zawkin kan chawlut tawh dawn. Phailam atangin bungrua leh mamawh Mizoram kaltlangin an rawn la tawh zawk dawn a ni,” a ti.
KMMTTP a hlawhtlin theihna atan, hun hmasa lam atangin an hruaitute, Pu Zoramthanga leh Pu Tawnluia te bakah MP-ten tha an thawhhlawk hle tih a sawi a. External Affairs minister leh khawchhak lam changtu Foreign secretary te hmu in, chak taka file a kal theihna’n hma an la reng tih a sawi a ni.
An chetthat lohna eptute boruak tha loin a hliahkhuh
Get real time updates directly on you device, subscribe now.
Next Post