An insawi angin ZPM an awm lo – MNF
ZPM party chuan Chakma awmnaa unit neih loh an sawi hnu ah unit dinin, Chakma ADC inthlanah pawh eiruk thubuai nei candidate an nei nual tih MNF party chuan an sawi.
MNF Media & Publicity Department hruaitute chuan ZPM chu mahni thutiam a rinawm lo leh sawrkar ve hrim hrim chak avanga tuihal huam huam, an sawrkar theihna turah chuan tih hreh nei lo an ni tia sawiin, hnam chhiatna thlentu tura an puh ngar ngar Chakma-te chu fachuam anga an en tawh thu an sawi. “Heti taka Chakma hua inti leh party dangte puhchhiatna atana hmang si hian, sawrkar ve hrim hrim an chak luatah Chakma Autonomous District Council-ah ZPM an din,” an ti.
Chakma candidate an neih loh tur thu tlangau pui chung siin, CADC inthlan turah pawh ZPM chuan candidate neih loh hlauin an party hotuten an thutchilh mek tih an sawi a. CADC inthlana an candidate tur 13 zinga 4 phei chu eiruk thubuai nei lai an ni nghe nghe tih MNF hian an sawi.
Chakma rama ZPM an din ve loh tur thu sawi thintu ZPM chuan, lal ve hrim hrim an chak luatah an lal hma hauh pawhin an principle an kalsan a, an sawi loh ang hlirin an khawsa tih sawiin, hlawkna an telna tur a nih phawt chuan dawt sawi thin leh an tanna thlak thlak thin an nih hriain, ZPM lakah fimkhur turin mipui an chah tih an sawi bawk.
An insawi angin ZPM an awm lo – MNF
Get real time updates directly on you device, subscribe now.
Prev Post